Desinformazioa eta buloak
Komunikabideekiko mesfidantza
Edelman Trust Barometer ikerketaren arabera, 2022ko edizioan Espainia da komunikabideekiko mesfidantza handiena duen munduko herrialdeetako bat. Espainiarrek komunikabideetan duten konfiantzak behera egiten jarraitzen badu ere, egiazko edukiak ekoizteko eta partekatzeko erantzukizuna haiena ez ezik, herritarrena ere bada. Gaur egun, Interneteko edozein erabiltzailek amua irentsi eta informazioa kontsumitu eta zabal dezake, aurretik egiaztatu gabe eta egin dezakeen kalteaz jabetu gabe.
Gainera, azterketa beraren arabera, Espainian inkesta egindakoen %64k uste du kontsumitzen dituzten albisteak partzialak izan ohi direla, eta %59ak dio ez dakiela benetako informazioa eta desinformazioa bereizten. Zifra horiek Maldita.es, Newtral edo EFE Verifica bezalako ekimenen garrantzia azpimarratzen dute, informazioa kontrastatzeaz gain, herritarrei pentsamendu kritikoa izaten eta albiste faltsuak identifikatzen irakasten baitie..
Aholkuak
Orrialdearen URL helbidea
Domeinua hartu behar da kontuan. Batzuetan, karaktere aldaketa txiki bat ezkutatzen du, irakurlearen hedabide jakin batean duen konfiantzaz baliatzeko, hura balitz bezala jokatu eta eduki faltsua sartzen saiatzeko.

Orrialdearen diseinua
Orrialdearen itxuraren bidez detektatzen dugu gehienbat lehen begiratuan albiste faltsuen ataria. Akats ortografikoak, kalitate baxuko argazkiak, publizitate engainagarria… dira lehenak.

Titularrak
Clickbait deituriko izenburuak, “jakin-minaren arrakala” ustiatzeko pentsatuak: galdera-ikurrak, harridura-ikurrak, titularra gertaerak puztuta idaztea edo iturri ofizialak ezkutatzea albiste faltsuetan aurkitu ohi diren ezaugarriak dira.

Artikuluaren barrualdea
Behin albistearen barruan gaudela, datuak, data, egilearen nortasuna eta iturria egiaztatzea funtsezko alderdia da albisteari dagokionean.

Hedabide-mota bereiztea
Oso ohikoa da albiste faltsuak pertsonengan iritzia sortzeko helburuarekin sortutako eduki satirikoarekin nahastea.

Kontrastatzea
Informazioa ekoizteko erabilitako iturriek ofizialak izan behar dute beti, informazioa egiaztatu ahal izateko eta argitaratutakoaren aurrean testigantza emateko.


Informazioa boterea da
Cyberzaintzan, pertsona guztiak aholkatzen, orientatzen eta gidatzen ahalegintzen gara, inork engainatu ez dezaten. Edozein kolektiboko pertsona guztiok egunero laguntzen dugu gizarte librea eta demokrazia egonkorra eraikitzen, Interneten ingurune sanoa eta segurua sortzeaz gain. Beraz, zer-nolako informazioa kontsumitzen dugun jakin behar dugu, eta, are gehiago, zer informazio zabaltzen dugun. Gure bulkada emozionalak eta irrazionalak alde batera utzi behar ditugu, iturriak berrikusi eta bi aldiz pentsatu edozein eduki partekatu aurretik. Informazioa boterea denez eta batzuetan interes ilunek manipulatzen dutenez, ziberdelitu posibleen biktima bihur gaitzake.

Cyber Erronka
Adingabeei zuzendutako kontzientziazio programa.

CiberJendea
Zibersegurtasunaren arloko gai desberdinen inguruko sei saio eskaintzen ditugu, hezitzaile eta Guraso Elkarteen zerbitzurako..